poetry

har haadse ke baad shikwa hi raha

fir bhi jo hona tha ,wo hota hi raha

arsaa guzra ,mud ke dekha toh yahi paya

jo bhi ,jaisa bhi hua ,achchha hi raha

Aisa to nahi ki ham sab samaz gaye

haalat fir se aaye,ham fir ulaz gaye

kuchh log ro ro ke bhi hasna sikh gye

jisko rone li lat lagi wo rota hi raha

kuchh bhi kar liya

aur din guzar gaya

paani nahi tha toh

jag hawa se bhar gaya

koi kuchh bhi kare

log sawal naa kare

sab gum he ,toh sab sahi

jo bhi jidhar gaya

saari Masti chhodkar

dinbhar rupye jodkar

zindagi khaali hi rahi

Bahi  khata bhar gaya

sab dekh rahe muzko

soch ke saja subah se

raat ko aaina dekha

khud se hi darr gaya

har roz ghar se nikla 

khoje khwab khushi khoke

rooh bhatkati reh gayi

bas jism ghar gaya

kuchh log vicharo me consistent hote he kuchh log kaam me, unke vichar bikhar jaate he ,kaam chalta rehta he.

sahi galat toh koi tay nahi kar sakta,

par vicharon me nirantarata muze jyada zaruri lagi.

bharam ki aag jalti he 

vicharon ke patto se,

patte ye jab mere aangan me gire the,

taaze taaze se the,gile hare the

mausam ki dhoop me pure sukhkar

khoob aag jam gyi he inke bhitar

wohi aag pakdenge fir kisi sitam se

duniya kya ,ghar bhi lagenge garam se

bharam ki aag jalti he,

purane khayalo ke patton ee

kisi tarah Dil ko samza bhi  loon

ki dard se kuch haasil ho gya

thokare khake hasti yu badli meri

main kuchh duniya ke kaabil ho gya

magar kya karen kambakht,

Jo kuchh hua,jo bhi saha,bewajah nikla

main bas baarish ka matmaila paani thb

bas idhar udhar kahin bhi beh nikla

kuchh bhi samzne se. samzaane se hota hi kya he

koi bhi pata kya he. khota hi kya he

saanse aati jaati he,waqt guzrta rehta he 

naadan yuhi yaad ke panne bharta rehta he.

written during Somnath trip

ab kuchh bhi der tak galat,

na sahi lagta he

khud ke zaanse me mat aa fir,

yahi lagta he.

kahaani sapne dikhati thi

kavita zakzor deti thi

ab kuchh nahi,har falsafa

satahi lagta he

gussa chidh me badal gya

mohabbat badli taano me

naya kuchh karo fir bhi sab

wahi wahi lagta he

aadmi jabse itna zaheen ho gya he

life sabka saala bas routine ho gya he

Mithaas bhuli bisri he bachpan ki aajkal

dhaansu pack me 10gm namkin ho gya he

tutne ke darr se ab koi khenchta nahi

rishton ka dhaaga itna mahin ho gya he

neend aa nahi rahi ,kaam khatm nahi hota

raat naam ki he, saara hi toh din ho gya he

ghar kya badla ki der tak Dil hi nahi lagta

phone pe aur mall me jag hasin ho gya he